काठमाडौँ । हिन्दुहरुको विशेष चाडपर्व तिहारमा धमाधम जुवा खेल्नेहरु खालसहित समातिएका छन् ।
हालसम्म काठमाडौंबाट १७ जना, कञ्चनपुरबाट ४२ जना, सिन्धुलीबाट चार जना, डडेलधुराबाट १३ जना समातीइसकेका छन् ।
त्यस्तै यता जिल्ला प्रहरी परिसर, ललितपुरले जुवाखालमा छापा मारेर नेपाली सेनाका एक जना पूर्वउपरथीसहित ८ जनालाई पक्राउ गरेको छ ।
मंगलबार प्रहरीले चलाएको विशेष अपरेशनमा पूर्वउच्च सैनिक अधिकृतसहित अन्य व्यक्तिहरु पक्राउ परेका हुन् ।
ती सेनाका अधिकृतले पछिल्ला समय नियमित रुपमा जुवा खेल्दै खेलाउँदै आएको बताइएको छ।
प्रहरीले उनीहरुको साथबाट १६ लाख ८२ हजार ५ सय रुपैयाँ समेत बरामद गरेको छ ।
