काठमाडौं । वाणिज्य बैंकहरुको साझा संघ नेपाल बैंकर्स संघले ब्याजदर निर्धारणमा ‘भद्र सहमति’ तोडेसँगै बैंकहरुले आफूखुसी ब्याजदर निर्धारण गरेका छन् । बैंकहरुले आफूखुसी ब्याजदर निर्धारण गरेसँगै साउन महिनाबाट बैंकहरुको ब्याजदरमा फरकपन देखिने भएको छ ।
साउन महिनाका लागि केहीले ब्याजदर घटाएका छन् भने केहीले बढाएका छन् । यस्तै, केही बैंकको भने ब्याजदर स्थिर छ ।
राष्ट्रिय वाणिज्य बैंक, प्रभु बैंक, नेपाल एसबीआइ बैंक, माछापुच्छ्रे बैंक, एभरेष्ट बैंक, स्ट्यान्डर्ड चार्टर्ड बैंक, सिद्धार्थ बैंक, सानिमा, नेपाल बैंक, कृषि विकास बैंकले घटाएका छन् भने नबिल बैंक र प्राइम बैंकले ब्याजदर बढाएका छन् । यता, हिमालयन, ग्लोबल आइएमइ, लक्ष्मी सनराइज, सिटिजन्स बैंकले भने ब्याजदर स्थिर राखेका छन्।
ब्याजदर बढाएको नबिलले साधारण बचतमा ५.९० देखि ७.९० प्रतिशतसम्म ब्याज दिने भएको छ भने मुद्दतीमा १०.४९ प्रतिशत ब्याज दिने भएको छ ।
यस्तै, ब्याजदर बढाएको प्राइम कमर्सीयल बैंकले साधारण बचततर्फ ५.९३ प्रतिशतदेखि ७.९३ प्रतिशतसम्म र मुद्दति निक्षेपमा १०.९३ प्रतिशतसम्म ब्याजदर दिने भएको छ ।
कुमारी बैंकले बचतमा ५.४ प्रतिशतदेखि ७.४ प्रतिशसम्म ब्याज दिने भएको छ भने मुद्दती निक्षेपमा अधिकतम १०.०१ प्रतिशतसम्म दिने भएको छ ।
एनएमबी बैंकले बचतमा ५.९८देखि ७.९८ प्रतिशतसम्म ब्याज दिने भएको छ भने मुद्दतीमा ९देखि अधिकतम १०.९८ प्रतिशतसम्म ब्याज दिने भएको छ ।
राष्ट्रिय वाणिज्य बैंकले साधारण बचतमा न्यूनतम ४.८६ प्रतिशतदेखि ६.६ प्रतिशत ब्याजदर तोकेको छ भने मुद्दती निक्षेपमा अधिकतम ८.९९ प्रतिशतसम्म ब्याजदर तोकेको छ ।
यसअघि सबै बैंकको मुद्दती निक्षेपको ब्याजदर समान (९.९९ प्रतिशत) थियो । राष्ट्र बैंकको व्यवस्थाअनुसार बैंकहरुले १० प्रतिशतसम्म ब्याजदर घटाउन वा बढाउन सक्छन् । जसअनुसार कतिपयले बढाएका छन् भने कतिपयले घटाएका छन् ।
कुन बैंकको ब्याजदर कति ?
