वरिष्ठ उपाध्यक्षका उम्मेदवार उमेशलाल श्रेष्ठले वाकओभर गरेपछि नेपाल उद्योग वाणिज्य महासंघको वरिष्ठ उपाध्यक्षमा अन्जन श्रेष्ठ सर्वसम्मत चयन भएका छन् । वरिष्ठ उपाध्यक्षका उम्मेदवार उमेशलाल श्रेष्ठले अञ्जनलाई समर्थन गरेसँगै अञ्जन वरिष्ठ उपाध्यक्ष बनेका हुन् ।
पहिलो चरणबाट रामचन्द्र संघाईं बाहिरिएपछि आज २ बजेका लागि दोस्रो चरणको निर्वाचन तय भएको थियो । तर वरिष्ठ उपाध्यक्षमा सहमतिको प्रयास गर्ने भन्दै निर्वाचन अपराह्न ४ बजेका लागि सारिएको थियो । तर, उमेशले अञ्जनलाई समर्थन गरेपछि सहमति भएको हो ।
पहिलो चरणमा वरिष्ठ उपाध्यक्षमा कुनै पनि उम्मेद्वारले ५० प्रतिशत मतभार नकटाएपछि दोस्रो चरणको निर्वाचन हुने व्यवस्था थियो ।वरिष्ठ उपाध्यक्षका प्रत्यासी रामचन्द्र संघईले ३०.४६ प्रतिशत मत, अन्जन श्रेष्ठले ३७.९९ प्रतिशत मत र उमेशलाल श्रेष्ठले ३१.५१ प्रतिशत मत प्राप्त गरेका थिए ।
